Nimin khan Pu Lalrinmawia Ralte Parliamentary Secretary, Home etc Bialtu MLA chuan a bial chhung khaw hrang hrang ah Soil & Water conservation Department hnuaia Rubber, Coffee leh Hmunphiah thlangtu chhungkaw 145 te hnenah NLUP 1st phase 4th instalment tanpuina a sem.

Pu Lalrinmawia Ralte chuan Kawrthah khua-ah Tuidam, Kawrthah, Sihthiang, Chuhvel leh Hriphaw te tan Soil & Water Conservation Department hnuaia Rubber, Coffee leh Hmunphiah chingtu chhungkaw 48 hnenah tanpuina pawisa a sem a. Kanhmun khuaah Zawlnuam Vengpui, Borai, Kanhmun, Bungthuam,Luimawi leh Thinghlun khuaa Rubber,Coffee leh Hmunphiah chingtu chhungkaw 97 te hnenah tanpuin pawisa a sem bawk.

Rubber chingtu chhungkaw khat tan Rs 48,700 sem niin coffee chingtu chhungkaw khat tan Rs. 12,100/- theuh a sem a ni a, Hmunphiah chingtute chhungkaw khat tan Rs.14,500/- theuh sem a ni bawk Nimina NLUP sum an zawng zawng chu Rs.68,88,900/- a ni.

Heng khua a NLUP dawngtute hnenah hian thusawiin Pu Lalrinmawia Ralte Parliamentary Secretary chuan Mizoram Sawrkar Flagship Programme NLUP lo hi Kuthnathawktute tan din chhuahna tur dang a awm chuang lo a ni tiin hetianga sawrkarin kan harsatna hria mirethei ten eizawnna nghelnget kan neih theihna tura tanpuina kan dawng hi kan vennei hle a. chituhrual chuan mipui ten tih ve tur kan nei a, kan pawisa dawnte a nihna tur anga taka kan hmana kan tu leh fate tan pawh a chhunzawm theih tur rotling kan siam a tul hle a ni a ti. Kan tlangdung hi thlai that theihna hmun a nih a vangin zorampum huap pawh a hming lang thei tura kan trade thlan theuh te ti puitling tura tan kan lak sauh sauh a ngai ani, tiin kalkhawm te a fuih a ni.

Pu Lalrinmawia Ralte Parliamentary Secretary hi a PS, Pi Biakchhanthuami leh Soil & Water Department hotuten an tawiawm a ni.