No.1126/2021-2022

Mamit 25th June, 2021 : Vawiin khan West Phaileng khua-ah Goodwill Foundation leh SBI Foundation hmalakna a din Covid Care Centre chu Pu Lalrintluanga Sailo, Deputy Govt. Chief Whip, Dampa bialtu MLA ni bawk chuan a hawng.

Covid Care Centre hawngtu Pu Lalrintluanga Sailo chuan hun khirh tak mai kan tawh laia Goodwill Foundation leh SBI Foundation te'n kan bial chhungin kan mamawh em em CCC dinna tura hma an la a, vawiina hman theih tura hawn a lo ni ta hi a lawmawm takzet a ni tiin tangkai tak a hman a nih theih nan tha taka enkawl turin mipuite a chah. 

He hunah hian Pu Lalchangkima, Regional Manager, SBI Mizoram Region, Dr. Zothankhuma, CMO Mamit bakah Pu H. Lalramliana, SDO(C) West Phaileng te'n thu an sawi bawk. 

He hunah hian Pu Christopher Lun, Secretary, Goodwill Foundation chuan CCC din chungchang report tawi pein CCC-ah hian khum 20 dah a ni a. SBI Hqtrs Mumbai  chu funding agency niin  Goodwill Foundation chu implimenting agency a ni thung. 

He CCC hi thla 6 chhung a tan a tih niin, thlaruk hnuah hripui ala reh lova mamawh zel a la nih chuan chhunzawm tura tih a ni. Damdawii hmanrua chihrang hrang tam tak bakah damdawi thahnem tak dah a ni.

 Goodwill Foundation Board of Director Pu Lalremruata'n vawiin programme hi a kaihruai a. Pu Lalchhuanmawia, VCP, West Phailengin kalkhawmte hnenah lawmthu a sawi a ni.