No.3977/2021-2022

Aizawl the 11st, February' 2022: Vawiin chawhnu khan Pu Lalruatkima, Minister, Rural Development, Land Revenue & Setlement leh Information & Public Relations Department changtu chuan BDO Office, DRDA Office leh Land Revenue & Settlement  Office te  a tlawh.

Minister hian BDO Office a tlawhna ah hian Pu David Lalrinawma, BDO chuan staff indaihloh thu a lo thlen a, hemi bakah hian Mizoram State Rural Livelihoods Mission( MzSRLM) in room an neih loh avangin Conference Hall ah an awm lailawk thu a lo thlen a, Minister chuan BDO Office chungah MzSRLM awmna tur vertical extention building sak dan tur  ngaihtuah anih tur thu a sawi a ni.

Minister hian DRDA Office tlawh lehin Pu M.Misael, Project Director chuan staff indaih lohna a thlen a, a bik takin Accounts Officer dah anih chuan hmasawnna hnathawh a awlsam phah tur thu a sawi bawk. Minister hian Land Revenue & Settlement Office tlawh lehin Pu Alan Lalthanzara, Settlement Officer chuan staff indaihloh thu a lo thlen ve bawk a, NH 54 leh NH 302 siam hna avangin Surveyor an indaihloh zual thu a sawi a, Minister hian a Department chan te harsatna leh an mamawh te a theih ang anga ngaihtuah a tum thu a sawi a ni.