Pu Lalruatkima I&PR Minister chuan Pu Prakash Javedekar, Union Minister, I&B Ministry chu Ni 10.10.2019 (Ningani) dar 12:00 khan a pisa-ah a hmu a. Minister hian Mizoram mamawh hrang hrang te a thlen a ni.

Pu Lalruatkima chuan, Indian Information Service Post Mizoram a kan neih ang angte hnawhkhat tur te, India Sawrkar Policy neih ang angte mipuite hnena fiah leh zual zawka hrilh hriat a nih theih nan Mizote a tam thei ang ber Doordarshan, AIR-ah hna pe turtein a ngen a.

Heng bakah hian Minister chuan Satellite Van mamawhna a nasat avangin pakhat tal Mizoram tana pe turin a ngen a. Mizoram Border area a chengte tan Dish Antenna a free a pek an nih theih nan ngenna a siam a, Thalaite hmakhua thlirin MZU Campus-a awm India Institute of Mass Commmunication-a mamawh hrang hrang leh hmalak mekte chak zawka a kal theih nan hmalakpui turin a ngen bawk.

I&PR Minister chuan Media, Information leh Broadcasting lamah Mizoram tih hmasawn dan tur leh rawtna tam tak a thlen bawk.

Vawiin vek hian Minister hian Pu Roulkhumlien Buhril, Secretary, Department of Land Resources leh Pu Hukum Singh, Joint Secretary, Department of Land Resources te an pisa-ah a hmu bawk a. Mizoram Revenue Department harsatna leh Land Record Modernisation kalpui mek chungchang a sawipui nghal.