Vawiin khan Finance Minister Pu Lalsawta leh Parliamentary Secretary Pu K.S. Thanga te chuan New Secretariat Complex-ah Taxation Department Directorate leh Directorate of Economics and Statistics building sak mekte chu a hmunah an tlawh a, heng Department 2 aiawhte leh Sawrkar mi pawimawh dangte an tawiawm a ni.

Pu Lalsawta chuan Directorate building pahnih sak lai mek hna kaldan chu tha a tih thusawiin heng Department te hi building sak zawh a, heng hmun an luah hunah chuan Department te tun aia an changtlung leh zawk ngei tura a hriat thu a sawi bawk.

Heng building sak lai mek te hi a hna kaldan(progress) a tha a, a hun tiam/bituk chhunga an zawh hman beisei a ni.