Ni hnih awh tur Tuberculosis (TB) natna enkawlna chungchanga Review Meeting chu vawiin khan Aijal Club-ah Dr. K. Ropari, Principal Director, Health & Fanily Welfare hova neih a ni.

Dr. K. Ropari, Principal Director chuan TB enkawlna RNTCP hi programme tha tak a ni a, a thawktute hian Central atanga facilities tha tak tak kan dawn avangin, taima tak leh tihtakzeta TB natna umbo tura kan thawh a pawimawh a, TB tihdam harsa bik Multi Drug Resistant Tuberculosis (MDR-TB) vei te hmuhchhuah belh zel an nih avangin TB vei ten damdawi tha taka an ei a pawimawh a. Sawrkar Laipui-ina hriattirna a tihchhuah tawh angin, Private Hospital leh Private-a clinic neite pawhin TB vei an lo hmuchhuak anih pawhin, RNTCP hnuaiah hriattir zel tur a ni. Hei hian TB natna dona kawngah nasa takin min pui thei dawn a ni, a ti.

Meeting hi Dr. Vanlalhruaii, State TB Officer-in a kaihruai a, thla thum dana TB enkawlna chungchang thlir letna bahlah miah lova neih thin ani chu lawmawm a tih thu a sawi a. Kumin January atanga June thlenga Mizorama TB enkawlna chungchang chu a hnuai ami ang hian tarlan a ni.

1. TB vei nia rinhlelh exam zawng zawng - 5183

2. TB vei hmuhchhuah zat - 1021

3. TB vanga boral - 46 (An zinga 15 hi TB/HIV vei kawp thi zat an awm)

4. TB HIV vei kawp enkawl zat - 104

5. TB vei enkawl dam - 91%

He review meeting-ah hian April – June 2014 chhunga TB vei hmuhchhuah chungchang chhui bingna neih chu sawiho a ni a. District hrang hrang atanga report-a alan danin hemi hun chhung hian TB vei hmuhchhuah mi 540 an awm a, khaka TB hrik hmuhchhuah mi 147 an awm bawk. Enkawl dam 91% awmin, HIV leh TB vei kawp mi 51 an awm a, MDR-TB vei hmuhchhuah mi 12 an awm bawk.

He meeting-ah hian District hrang hrang atangin District TB Officers te an tel a, meeting hian naktuk thleng a awh ang.

KUM 2012 leh 2013 TB enkawlna chungchang khaikhinna

Kum 2012 2013

TB vei hmuhchhuah zawng zawng23372005

Khaka TB hrik hmuh566706

TB vanga boral8463

Enkawl dam88%88%