June  ni 11 a Dawrpui, Hnamro building-a Minister Pu Lalsawta’n kuthnathawktute hnenah mistiri bungrua leh puanthui khawl a sem tuma “ lalte” a sawi chungchang sawrkar press release-a tarlan kha Mizo Lalte chungchang a ni lo.

Pu Lalsawta hian hmanlai lalte lallai a mahni hma chauh sial a, mipui chanvo lam ngaihsak lo tia a  sawi hi Mizo lalte a sawina ni lovin France ram te, Nepal te, India ram te leh ram hrang hranga hmanlai lalten an mipui te an ngaihsak loh thin thu a sawina a ni a. French revolution hunlai leh Taj Mahal satu ngei Mughal lal Shah Jahan-a’n mipuite rim taka a chhawr dan te tehkhin thu angin a sawi a,hmanlai mizo lalte sawina  a ni lo. 

11.6.2018 a sawkar thuchhuakah lalte chungchang hi chipchiar taka tarlan a nih loh avangin mi thenkhat tan ngaih kawih theih leh Mizo lalte chungchang anga ngaih theih a nih avangin chipchiar zawka tarlan nawn a ni.