3090/2023-2024

Vawiin khan Champhai District- a 'Viksit Bharat Sankalp Yatra’ kalpuina tur Mobile IEC Van vailiamna hun Vengsang Biak In Kawt- ah neih a ni a, Pu M Misael, Addl.DC, Champhai chuan Mobile Van hi a vailiam.

Pu M Misael, Addl.DC, Champhai chuan he scheme 'Viksit Bharat Sankalp Yatra' chu sawrkarlaipuiin a ngaipawimawh thu a sawi a, 'Viksit Bharat Sankalp Yatra' hnuaia Department zawng zawngte chuan mipuite hmakhua ngaia theihtawp lo chhuah tura chahin hmasawnna thatak mitin tana chan tir turin taima leh thahnem ngai taka thawkchhuak turin a thawktute chu a sawm a ni. Sawrkarin mipuite tana hamthatna a duan hi a dawng tur diktakin an dawn theih nana hmalakna pawimawh tak a ni a ti a, a hlawhtlin leh hlawhtlin loh chu a thawktute kutah a in nghat thui hle a, Champhai district chhunga hlawhtling taka kalpui a nih theih nan mawhphurhna nei zawng zawngte theihtawp chhuah turin a chah bawkin hmasawnna thlentu pawimawh tak ni turin Mobile IEC Van hi a vailiam nghal a ni.

Viksit Bharat Sankalp Yatra kalpuina tur Mobile IEC Van vailiamna hunah hian Department thenkhat aiawhte leh NGO aiawhte an tel a, December ni 18, 2023 atanga January ni 25, 2024 chhungin Mobile Van hian Champhai district huamchhunga khuate a tlawh dawn a ni.