Nimin chawhnu khan  Minister pahnih  Pu N.K.Chakma  Disaster Management & Rehabilitation leh A.H.&Vety Department Minister  leh mPu S.Hiato, PHE Minister te chuan  Sesawnga Pu S.Thanga vawk vulhna farm chu a hmunah an tlawh  a, a hmalaknate an hmuhin A.H.&Vety Minister chuan hetiang mitaima leh tumruhte hnathawh dan hmuh hian midangte ah chona nasa tak pe se a duh thu sawiin, hna thawk tak takte chu Sawrkarin a hlamchhiah mai mai dawn lo ani a ti a, a theihna ang angah puih a inhuam thu a sawi bawk a ni. Pu S.Thanga hi Aizawl Tuithiang venga cheng niin Vawk farm hi kum 2000 atanga bul tan tawh a ni a, Sawrkar leh Pawl dang atangin tanpuina pakhat mah a la dawng lo va, heti chung hian ram Bigha 431 a zauvah an nupa in vawkvulh hna hi an tuichilh a, vawk an ngah ber lai chuan tum khatah vawk 350 lai an vulh a, tunah hian Vawkpui 17 telin avaiin vawk 83 a vulh a ni. Vawk bakah hian thlai leh theirah chi hrang hrang a ching bawk a ni.

Minister-te hi Dr. L.B.Sailo A.H.&Vety Director, Pu V.Sapchhunga Disaster Management & Rehabilitation Director leh I&PR Officer ten an tawiawm a ni.
alr