Vawiin khan Horticulture Minister Pu P.C. Lalthanliana kaihhruaina hnuaiah Horticulture Officer zawng zawng ten Quarterly Meeting an nei a. Department hmalakna kal mek leh tun kum thar a hmalak dan tur te an sawiho a, Meeting-ah hian Parliamentary Secretary Pu K. Lalrinthanga leh Secretary Pu B. Lalhmingthanga te pawh an tel a ni.

Minister chuan kum kal ta a Department hmalakna te a tlangpui a a that thu a sawi a, Mizoram atanga thil thawn chhuah tam zawk Sawhthing, Iskut, Kuhva, Serthlum, etc te hi Horticulture Department leh farmers te hmalakna anih bakah Serthlum bikah phei chuan Citrus Rejuvenation Scheme hnuai a hmalakna avangin tun kum chhungin thar chhuah pawh a tam zawk thu sawi bawk. Kuhva leh thlai dangah pawh farmers in din chhuahna khawp sum an hmuh thu te a sawi a, chuvangin Department Officer te pawh nasa leh zual a tan la turin a fuih a ni.

Meeting ah hian 2016-2017 a hmalak dan tur te sawihona an nei a. Awmze nei zawk a kal a tul in, uar bik pawh neih a tul thu te sawi ho bawk a ni.