Vawiin chawhnu  khan Horticulture Minister Pu P.C Lalthanliana chuan Dist Horticulture Officer Lunglei Quarter cheng nuai 63, sing 5, senga sak chu a hawng.

Hawnna inkhawm tawi Pu Zotawna Director Horticulture Deptt kaihhruiaah Minister Pu P.C Lalthanliana chuan thu sawiin, Lungleia DHO Quarter tha tak sak peih a ni ta chu lawmawm a tih thu a sawi a, Deptt. hnathawh kalchak nan thawhhona tha, Staff tam leh Quarter tha a keng tel a ni a ti. Hmalam hun lo kal zel turah pawh Horticulture Deptt hi a te zawng nilo a lian zawngin a kal zel dawn tih thawktu ten an hriat a pawimawh a ni Minister chuan a ti a, Mizo te hian Horticulture Deptt hi kan innghahna tur leh kan eizawnna kawng pawimawh ber a la ni dawn a ni  a ti bawk. Hei bakah hian Thenzawlah Horticulture College din thuai  ani dawn tih sawi bawkin hei hi din fel a nih hunah chuan Lo neitu te tan nasa takin a tangkai dawn tih Minister hian a sawi bawk.  Pu Lalthanliana chuan tunlaiah ram ruak a vanga hetihlai a Lunglei Zotlanga Social Welfare Deptt. hnuaia Officer pathum awm theihna Building buatsaih theih a nih bakah Horticulture Deptt tan hmun pakhat ah building pawimawh tak tak dah theih a ni chu thil lawmawm tak a nih thu  a sawi bawk. Horticulture hmanga hmasawnna tak tak thawk tur chuan khawtlang hruaitute nen lungrual taka thawhho a ngai a ni Minister chuan tiin, kan awmna theuhah rinawm takin hna i thawk theuh ang u a ti.