Pu P.C. Lalthanliana, Social Welfare Minister chuan vawiin khan National Voluntary Blood Donation Day puala inkhawm Govt. Johnson College a neih chu a hmanpui. Inkhawm hi MCACS, AVBD leh NSS, Govt. Johnson College tangkawp buatsaih a niin Pu P.C. Lalhmingthanga President, AVBD in a kaihruai.

Minister chuan thisen hi kan taksa mai nilovin kan thlarau tan a pawimawh em avangin Mizo nula leh tlangvalte hi tun aia thisen pek uar turin a chah a. Thisen mamawh tan thisen pe ngam ni theuh turin thalaite chu chahin nupui pasal neih hmaa vawi khat tal pe theuh turin a fuih a ni. Minister chuan Mizote hian ngaihsan tur dik tak leh ngaihhlut tur dik tak hriain thisen pe tam Pi Rebecca Saimawii leh Tv. Lalremruata te hi chawimawi thiam turin a chah bawk.

Kum 1975 October ni 1 khan Indian Society of Blood Transfusion & Immuno haematology (ISBTI) chuan All India Voluntary Blood Donation Day an hmang a. Kum 1996 atang khan National AIDS Control Organisation (NACO) hriatpuiin kumtin October ni 1 hi National Voluntary Blood Donation Day atan India ram pumah hman a ni. Mizoramah pawh kum 2000 atang khan kan lo hmang ve ta a ni.

Association for Voluntary Blood Donation hi May ni 10, 1991 khan Aizawlah din a ni a. Tunah chuan District tinah Branch a ding tawh a. Tun hma chuan mizo te hian a thlawn thisen pek (Voluntary Blood Donation) hlutna leh pawimawhna hi  ngaihtuah lo hle a ni thin a, Voluntary Blood Donor pawh mi tlem te an ni. Tunah chuan thisen pek pawimawhna leh hlutna chu  hriat tlangpui a ni ta a. Ni tin deuh thaw thisen pek chungchamg chu chanchin thar pakhat a ni ta hial a ni.

Voluntary Donation dinhmun : National Voluntary Blood Donation Day  hman ve atang khan a thlawn a thinsen pek kawngah nasa takin hmasawn na a awm a. Voluntary Blood Donationa  hmasawn dan chu hetiang hi a ni :