Pu P.C. Lalthanliana, Social Welfare Minister chuan vawiin khan MHIP General Headquarter building-ah NIELIT Study Centre a hawng. He Centre hi MHIP leh NIELIT tangkawp buatsaih niin hmeichhe tan bika Computer zirna hmun a ni a, India ramah NIELIT in hetiang Centre hi an vawi khat hawnna a ni. Hawnna inkhawm hi Pi Lalthlamuani, President MHIP Gen. Hqrs. in a kaihruai a ni.

Pu Lalthanliana chuan hetiang training centre MHIP leh NIELIT ten an buatsaih chu lawmawm tiin Mizo hmeichhia ten he hmun hi Information Technology lama hmasawnna atan an hman tangkai ngei a beisei thu a sawi. Minister chuan Mizote hi pawl din uar tak kan ni a, pawl hrang hrangte hian an mamawh loh leh tul lo neih duhna thinlung hi an nei thin hi an thlakthleng a hun tawh a, hei hian ram hmasawnna atan leh inrenchemna atan rah tha tak a chhuah ngei a beisei thu sawiin hetiang pawl hrang hrangte hian ram leh sorkar tichaktu atan rahtha tak chhuah ngei thei se a duh thu a sawi bawk.

Hawnna inkhawmah hian Pu Debendra Singh, Director, NIELIT, Aizawl Centre pawhin thusawiin hmeichhiate hian ram leh hnam hmasawnna atan tih takzet a an thawh chuan an chawikang dawrh thei a ni tiin MHIP member te chu rilru fim tak leh ngaihtuahna thui tak hmang thin turin a fuih.

NIELIT chuan he centre ah hian computer 20 dahin a zirtirtu leh mamawh dang pawh a ngaihtuah sak a ni.