Pu P.C. Lalthanliana, Social Welfare Department Minister chuan vawiin khan Universal Women Helpline Office Dr. B.Thangdailova Building, Upper Khatla ah a hawng. Social Welfare Department Officer leh thawktu te bakah hemi in a kaihhnawih Department hrang hrang hotu leh NGO,Kohhran hruaitu ten he hun hi an hmanpui. Help Line atana thawk tu tur an lakthar te hmelhriattirna neih nghal a ni bawk.
Hawnna inkhawm Khatla YMA Hall a neih ah khuallian Pu P.C. Lalthanliana chuan tun hmaa la awm ngai lo hmeichhia te tanpui na tur thil thar tha tak hman tura hawn a ni ta chu lawmawm a tih thu leh mamawhtu hmeichhia ten an hman tangkai ngei a duh thu sawiin Universal Women Helpline hlawhtlinna atana Social Welfare department te hmalak leh bawhzui na ah lawmthu a sawi nghal a. Universal Women Helpline hi National Mission for Empowerment of Women hnuaia hmeichhiate hamthatna tur kawngkhat atana Govt. of India in State tin a kalpui tura ruahman a nih thu a sawi bawk.
He hmuna thawktu tur te pawh in hlawh hmuh nan chauh hmang lo in, Pathian rawngbawlna anga ngaiin inpekna rilru pu thei se a duh thu sawiin Social Welfare Department Minister chuan kar tluana 24 hrs thawktur an niin, la thawkho ngai lote an thawk ho dawn a ni a, inhriatthiam na leh Help Line hlawhtlin ngei theihna tur thinlung pu tur in a chah a. He helpline hlawhtlinna tak tak tur leh a nihna tur anga a thawh theih nan zavaia tantlang a ngai a ni a ti bawk.
Pi K.Vanlalrawni, Joint Secretary, SWD kaihhhruai vawiina Universal Women Helpline hawnna ah hian Pi Chuauzikpuii, Assistant Director, SWD in Women Helpline a sawifiah a. Pi Laldikkimi Joint Director, SWD in Help Line kalphung sawifiah in lawmthu a sawi bawk.
Hmeichhiate hamthatna tura din Universal Women Helpline scheme hi hmeichhia tharum thawhna avanga harsatna tawktu puitu tur (an mamawh dan a zirin police/one stop Centre/ Damdawiin / Dan lam) te kawhhmuh leh sawrkar scheme hrang hrang hmeichhe lam kaihhnawih thil lo hrilhhriat theih nan darker 24 chhung ram pum ah inbiak pawh na a ni a. Phone number 181 – ah a thlawn a (toll free) biak pawh theih an ni a, an office number 0389-2311271 ah pawh hian engtik hunah pawh biakpawh theih reng an ni.
Telephone bakah hian text messages leh fax message, emails, web-posts, web interface, social networking sites (web page,facebook,twitter, mygov. etc) hmangte in an biakpawh theih bawk a ni. Hei bakah hian FAQ ( Zawhna awm thei te ) hi WHL website-ah a duh apiang chhiar theih turin buatsaih mek a ni.
