Vawiin khan Kolasib Bialtu MLA PU PC Zoram Sangliana'n Diakkawn YMA Hall ah kolasib District secondary school sports-2018 chu a hawng.

Khuallian chuan Secondary Sikul Sport vawi 15 na huaihawt ani chu lawmawm a tih thu sawiin zirlai hlawhtling ni turin Rilru leh taksa lama hriselna a pawimawh thu a sawi a chumi tur chuan zirlai te tan chuan zirlai ngawr ngawr chauh ni lovin infiamna te (co-curricular activities) pawh a pawimawh thu a sawi ani. Khuallian chuan zirlai kalkhawm te chu fuihin tum nei a lehkha zir a pawimaw thu a sawi a, zirlai zawng zawng tan tui zawng leh zir tum chu in anglo mahse mumal taka zirna kawng zawh a pawimawh thu a sawi a. Zirlai tan chuan insumtheihna leh mahni inthunun a pawimawh thu sawiin ruihhlo lakah te insum a, tum ruhna leh taimakna nena lehkha zir chhunzawm a hlawhtling ngei turin kalkhawm zirlai te chu a chah a . Zirlai leh Infiammi hlawhtling ni tur chuan insum theihna, tumruhna bakah ruihhlo laka fihlim a pawimawh thu sawiin he huna zirlai kalkhawm te chu midangte tana entawn tlak ni tura mahni nun vawng uluk turin a fuih bawk ani. Hemi bakah hian khawtlang hruaitute pawhin Zirlai leh infiammi te chu khawtlang thil tih na zawng zawnga phut lovin mahni inzir nan leh inpuahchah nan hun awl pek thiam a pawimawh thu khuallian chuan a sawi bawk ani.

Kolasib District Secondary Sikul Sports vawi 15 na hi thawh hnih a neih tur niin tun tum a thawh khatna ah hian Footlball, volleyball etc te hmanga infiamna neih tur a ni a, a thawh hnihna chu khuangchawi thla a neih tur niin Athletics, Boxing leh Judo te hmanga infiamna neih tur  ani. Tun tuma zirlaite infiamna kutpui neih tur ah hian Kolasib District huam chhung khaw hrang hrang atangin Sikul 28 ten hming an ziak lut  ani.