Nimin khan Transport Minister Pu P.C. Zoram Sangliana chuan I & PR Auditorium-ah Tele Taxis Company a hawng.

Pu Zoram Sangliana chuan Mizo thalai mi tumruh tak tak ten Mizoram hmel a tha lama an thlak lai  hmuh hi a nuam em em a ni, tiin State dangte ah hmasawnna in a thlen changkanna a neih chu kan thalai tum ruh tak takte zarah Mizoramah pawh hmuh theiha awm ve mai tur hi a ropui a ni, a ti a. Mizoram pawh mikhual rawn tlawhtu kan ngah ve ta khawp mai a, Tele Taxis hmang hian an duhna hmun apiangah an kal zung zung thei ang a, chu chuan Mizoram rawn tlawhfo chakna a pe dawn a, Eco Tourism lamah pawh nasa takin thil thar a thlen dawn a, Mizoram Culture hrim hrimah pawh a tha lama thil thar a thlen ka ring a ni a ti.

Transport Minister anihna angin Traffic management ngaihtuah lo thei lo anih thu sawiin nitin petrol heka passenger zawnga tlan kual Taxi an tamin, motor dang a lo tam ve bawk nen Tele Taxis hmang hian traffic management lamah thil thar a thlen a rin thu sawiin, Taxi driver tana tha deuh tur chu an petrol hek lo, hun hek lo bawk leh hahdam taka awm lai pawha Tele Taxi in passenger a hmuhsak tur hi nia a hriat thusawiin, Tele Taxis hian Taxi service hrim hrim hi pawh a tih changkang a rin thu a sawi bawk in, Tele Taxis hian tunlai Mizoram thalaite ah thil thar nungchangah pawh hnaah pawh a thlen a rin thu a sawi bawk.

Tele Taxis Company hi Pu Peter Pudaite-a tan a ni a, India ram hmun dangah pawh din zel tum a ni. Tele Taxis hmang duh tan Phone No. 2323833 ah biakpawh theih reng a ni.