Transport Minister Pu PC. Zoram Sangliana chuan vawiin khan S. Chhimluang khua, tunhnaia thlipui in na taka a nuai avanga chenna In 24 a tih chhiatna hmun a tlawh a. An inchung chihna tur Tarpauline 21 leh pawisa Rs 2000/ - a pe a. Malaria laka an invenna turin Thosilen 50 a pe bawk.

S. Chhimluang khua ah hian thlipui leh ruahbing na tak avangin 31^st March 2013 khan chenna In 2 chu a tlu chhe vek a. Hengte hi khawtlangin hnatlangin an sak that sak a ni. Chenna In 22 chu a thena zar chhia (partially damaged) in a awm bawk a. Chhiat tawh thu an hriat veleh hian Kolasib DC chuan Officer tirin chhiat tawh dan hi an endik nghal a. Chhawmdawlna pawh ruahman nghalin Silpauline 21,  Tarpauline 1, Buhfai bag 2 leh Chini 25 kgs an pe a ni.

Amah hmuahna S. Chhimluang VC ten anlo buatsaihah thu sawiin Pu Ramsanga chuan an khaw chhiat tawhna chu amah leh sawrkarin a tawrhpui takzet a, Assembly Session zawh veleh hna dang dahtha in amah ngeiin a tlawh ta a ni, a ti a. Khua leh tui tha leh mi rinawm nih tum theuh tura chahin tute emaw hruaikawiha awmlo tur leh hel thenkhat, hruaisuala awmte avanga kimki-a an awm lohna tura rilru dik tak pu tura ngenin sawrkarin duat taka an hmakhaw thatna tura a enkawlna te hre chunga an awm dan pawh siam ve turin a ngen a ni.

DC Pi Niharika Rai pawhin thu sawiin an khaw pilril avanga inthlahrung lo tur leh  tul an tih apiang  thlen tim lo turin a hrilh a. S. Chhimluang chu Tuikuk raltlante inbenbelna tura sawrkarin a cheibawl a nih avangin khawtlang tan pawh hmasawnna tur tamtak a awm a ni, a ti.

Pu Madhur Verma, IPS Kolasib SP pawhin thu sawiin thubuai engpawh huai taka thlen thin turin a chah a ni.

S. Chhimluang khua hi In 100 khua a ni a. A mi cheng tehi Tuikuk bakah Mizo tlemte an ni a. Ek In neilo chhungkaw tam zawk an nih avangin BDO Bilkhawthlir enkawlna hnuaiah MGNREGS atangin Ek In khur 70 chu laih mek a ni. IAY scheme atangin chenna In 2 sak mek a ni bawk. Electric hrui thlunzawm tawh a ni nain Eng ala lut rihlo a ni.

Khaw mipuite chuan a hmun ngeia an chhiat tawhte Minister in a hmuhpui avangin lawmthu an sawi a. Mamawh hrang hrang Tui, Eng, Kawng atc an thlente chu Pu Ramsanga hian enpuiin a theih anga hma a lak dawn thu a hrilh a ni.

S. Chhimluang a kal hma hian Pu Ramsanga chuan  4^th  April, Ningani kalta tlaia Koasib Hmar Venga In luahlai bungraw chuh hman lohva kangral chu a hmunah tlawhin In neitu Pi Duhveli chu Rs 1000/ in a ral a, In luahtu chu Rs 1000/- a pe bawk. Tukin zing dar 2 vela Electric Venga Furniture Workshop kang ral pawh tlawh nghalin a neitu  Lalthavula  chu Rs 1500/ a pe a, NLUP a dawn bungruate chu pek leh a ni ang a ti a ni.