DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/pu-pc-zoramsanglianan-ramhlun-vengthar-branch-yma-library-building-a-hawngp

PU P.C. ZORAMSANGLIANA’N RAMHLUN VENGTHAR BRANCH YMA LIBRARY BUILDING A HAWNG

Vawiin khan Art & Culture Minister Pu P.C. Zoramsangliana chuan Ramhlun Vengthar Branch YMA Library building a hawng.

Minister chuan library chu veng mipui ten hmang tangkai a, hriatzauna hmun atan hmangturina chah. Mizoram sorkar chuan library tih changtlun leh tihhmasawn dan tur te a rel a, Raja Ram Mohan Roy Foundation, Kolkata chu dawr anih thu te sawiin Minister chuan tunah chuan Aizawl veng hrang hrang ah library a awm tawh thu a sawi.

Hawnna inkhawm hi Pu Kapzawna, Branch YMA President in a kaihruai a, Pu R. Lalhmangaihzuala, Secretary in Technical Report a pe a.

Ramhlun Vengthar Branch YMA Library hi October 9, 1993 khan hawn tan a ni a, tunah hian lehkhabu 2000 chuang a awm. Building sakna hi Raja Ram Mohan Roy Foundation, Kolkata atangin Rs. 6,00,000/- hmuh a ni a, fund hian a daih loh avangin ceiling, electrification leh rawng hnawih te hi Branch YMA sum atanga thawh chhunzawm a ni.