Vawiin khan Horticulture, Social Welfare leh LAD te enkawltu Minister Pu P.C. Lalthanliana chuan Salem Veng MHIP Branch in MHIP Day lawmna programme an buatsaih chu khuallian niin a hmanpui. He programme hi Parliamentary Secretary leh bialtu MLA ni bawk. Lt. Col. (Retd.) Z. S. Zuala pawhin a telpui a ni.

Pu P.C. Lalthanliana chuan khawtlang siam thatna leh ram innghahna atan hian lungthu pawimawh tak pathum an awm a chhungte chu Sawrkar, Kohhran leh NGO te hi an ni a, NGO te zingah pawl pawimawh tak MHIP hi an tangkaiin an hnathawh hi a ngaihsan awm hle a ni a ti.

Mizo hmeichhiate dinhmun chungchang sawiin Minister chuan Mizo hmeichhiate hi an nangmahni ngeiin in dinhmun hi in chawisang mek a, zirna kawngah phei chuan Mizo mipa in hmeichhiate hi kan tluk tawh loh a ni, a ti.MHIP nung tak leh phur taka a kalin veng chhung tan inpumkhatna leh inlungrualna a thlen thin a ni, a ti.

MHIP chu mahni pawl hamthatna ngawr ngawr ngaihtuah lova midang tan malsawmna thlentu pawl ni turin a chah bawk a ni.

He hunah hian Minister chuan cheng nuai 4 vel senga sak MHIP House chu a hawng nghal a ni.