Vawiin chawhma khan Labour, Employment & Industrial Training Department leh Mizoram Youth Commission tangkawpin an buatsaih Skill Fest, 2014 ah Vocational Training Partners lokalte zinga pakhat P.C. Training Institute, New Delhi-a training turte tan MYC Office ah briefing leh thlahna neih a ni.

He hun hi MYC Secretary, Dr J.T.Vanlalngheta’n a kaihruai a, Pu Rotluanga, MCS, Directorate, LE&IT chuan thusawina hun a hmang a ni. He Institute-ah hian thalai 60, hmeichhia 12 leh mipa 48 te training turin an kal dawn. P.C. Training Institute-ah hian course hrang hrang Banking & Accounting Sector, Infor. & Communication Technology, Logistic, Business & Commerce, Retail, Sales & Marketing, Insurance leh Travel & Tourism te an training dawn a ni. . He hunah hian P.C. Training Institute atangin Mr.Mahendra Kr.Jha leh Mr Anuj Singh te an lokal a ni.

Heng training turte hian 9th July, 2014 ah Aizawl an chhuahsan ang.