Mizoram State Planning Board Member Secrectary leh NLUP Implementing Board (NIB) Vice Chairman nibawk Pu PL Thanga, IAS (Retrd.) chuan Champhai leh Zokhawthar hmuna sawrkar hmalakna te a hmunah kalin a enfiah a. Nimin lamah Zokhawthara VLNC (Village Level NLUP Committee) te kawmna hun a neiin Border Trade area pawh a tlawh a. Champhai Cold Storage, New Champhaia mi pawh a tlawh bawk a ni.

Champhai Tourist Lodge-ah Champhai DC Pu Vanlalngaihsaka leh District hotu dangte nen inkawmna hun an nei a. CM hmalaknaa Zokhawthara Border Trade mumal taka kalpui anih theihna tura Mizorama lokal Prime Minister Special Secretary PV Nair nena sawidunna ataka bawhzui zel a ni, a ti a. Border area-ah inbiakpawhna mumal taka a awm theihna turin Champhai leh Melbuk-ah te BSNL Tower mumal taka bun fel aniha Myanmar chhunga ramri hnaihte thlenga chhawr tangkai anih theihna tura ruahmanna kalpui anih thu a sawi a. Heng bakah hian District hotute nen Ramria insumdawn tawnna, Town Planning leh inkalpawhnate pawh sawiho a ni. State Planning Secretary chuan Border Trade Infrastructure (hmasawnna ruhrel) tha zawk awm theihna tura umzui zel angaih thu a sawi bawk a ni.