2840/2026-2027

Dated : Mamit the 27th of October, 2026 : Vawiin khan DC Conference Hall, Mamit-ah Lok Sabha MP Pu Richard Vanlalhmangaiha hovin District Development Co-ordination & Monitoring Committee (DISHA) review meeting neih a ni.

Pu Richard Vanlalhmangaiha chuan DISHA meeting a tel Sawrkar department hotute chungah lawmthu sawiin, Mamit District-in hmasawnna hmel a hmuh theih nan keimahni nilo, midang an awm chuang lo a ti a, hmundang atangin Mamit District chhungah hnathawkin kan awm pawh a ni theia, hnutchhiah tha tak kan nei tur a ni a, ka awm laia kan hnathawh a ni tia sawizui thlak rotling hna siam ngei turin a chah a ni.

Pu Suvigya S Chandra, District Bawrhsap chuan Mamit District chhunga Sawrkar department hrang hrangte dinhmun a lem nen chipchiar takin a tarlang.

Vawiin thutkhawmah hian Sawrkar laipui ruahmanna hnuaia hmasawnna hna thawh hrang hrang VB-GRAMG, PMAY Gramin, PMAY- Urban, SBM Urban, SBM Gramin, NHM, MDMPMKSY, DDUJKY, DDUGKY, PM Poshan, ICDS, NSAP, NRDWP, PMGY, PMEGP, PMGSY, Digital India, Highway ect, Soil Health Card, MPLADS hnuaia hmalakna kal mek leh harsatna awm theite thlirho a sawiho a ni a. Mamit District chhunga ambulance in daih loh chungchangah Pu Richard Vanlalhmangaiha MP Lok Sabha chuan Financial year 2026-27 chhunga hma lakna a awm loh chuan a MP fund atanga ngaihtuah sak a in huam thu a sawi.

Pu Lalchhanhima, Project Director, Mamit pawhin  DISHA meeting hmasaa hmalaknate a lem nen tarlangin Health & Family Welfare hnathawktu in daih loh chungchangah Marpara PHC leh Phuldungsei PHC ah te Medical Officer (MBBS) dah an nih thu a sawia, health worker hmeichhia pakhat Silsury-ah dah a nih bawk thu a tarlang.

Thutkhawmah hian line department te leh tlawmngaipawl aiawh leh khawtlang hruaitute an tel a ni.