No109/2021-2022 

Aizawl, 12th April, 2021 : Vawiin khan Pu Robert Romawia Royte te nupa chuan Chhinga Venga an chenna inah WBC World Youth Boxing Champion Lalrinsanga Tlau hnenah,  lawmpuina thilpek atan an chhungkua leh țhianțha ten an thawh khawm Rs. 10,05,000/- (Cheng nuai sawm leh sangnga) an hlan. Kumin March ni 6 a Ghanian Boxer Eric Quam leh Lalrinsanga Tlau ten WBC World Youth Feather Weight Championship Title an inchuh dawn lai khan Pu Robert Romawia Royte hian Mizo tlangval Sangtea Tlau a chak a, World Title Belt a lak chuan lawmpui nan Rs 10,00,000/-  an pek tur thu a lo puang tawh a ni.

Pu Roberta chuan hun reilote chhunga Sangtea Tlau WBC World Youth Champion a ni thei chu Mizo mipui tan chauh ni lovin India ram pumpui tan pawh inchhuan na tham a ni a ti  a. Boxing Coach Setea’n thahnem ngai taka Mizo boxers tam tak a lo chherchhuak chu a ropuiin amah puih nan Mizoram sorkarin a tihtur a ti dawn a ni a ti a. MRB hotute nena an lo sawiho tawh angin Mizoram Rural Bank chuan kar leh khian Boxer Lalrinsanga Tlau leh Boxer NT Biakkima te hnenah Rs 50,000/- ve ve an hlan tur thu a sawi bawk.

Lawmpuina thilpek hlanna function ah hian Setea leh Lalnunmawia Pautu MZP Gen. Secretary te pawhin thu sawiin Pu Robert Romawia Royte te chhungkuain anmahni sum senga infiammite nasa taka an promote chu ropui an tih thu an sawi a ni.

Pu Robert Romawia Royte chuan MRB hotute nena an lo sawiho tawh angin Mizoram Rural Bank chuan kar leh khian Boxer Lalrinsanga Tlau leh Boxer NT Biakkima te hnenah Rs 50,000/- ve ve an hlan tur thu a sawi bawk.