Vawiin chawhma dar 10:00Am khan Higher&Technical Education Minister Pu R.Romawia chuan Government Saiha College Administrativ e Building a hawng.
He GSC Administrative Building hi RUSA Fund atanga cheng nuai Rs.70  senga sak a ni a. A hawnna inkhawm hi Pu Lallawma Bawitlung, Principal GSC in kaihruaiin, Minister Pu R.Romawia chuan khuallian niin thusawina hun a hmang.
Pu R.Romawia chuan  Gov't Saiha College in RUSA fund atanga Administrative building changtlung tak a nei chu a lawmawm a ti thu sawiin, Higher &Technical Education atang chuan physical infrastructure dinna tur sum kan nei loh avang in NEC, NLCPR leh UGC atanga kan sum hmuh te  hmang hian Mizoram chhunga H&T Education hnuaia Physical Infrastructure te  chu khawih a ni ber zawk thin a ni, a ti. Minister chuan GSC chu Mizoram a college hlun ber te zingah a tel nâ in, duh ang erawh chuan  hma a sawn chak vak  lo a ni, a ti.
Minister chuan tunhnai kum 10 vel kal ta atanga  MPSC in exam a buatsaih apianga  Siaha district mi ten hlawhtlinna in hmuh thin hian zirna inlak urhsun zia a pholang  chiang hle a. Tun aia nasa a tan la zual zel turin duhsakna ka hlan che u, a ti bawk.
 Gov't Siaha College chuan college mamawh hrang hrang te Minister hnenah hian an lo thlen a. Minister pawhin NEPD atang  District hrang hrang  College te mamawh zual  thil te tihsak theih dan a awm em, tih tunah hian  an en thlithlai mek thu a sawilang bawk.
Tunah hian GSC-ah hian zirlai 420  an awm mek a. Teaching staff 25 an nei mek te zinga 12 chauh hi a nghet a thawk te an ni.
Vawiin Administrative Building hawnna-ah hian GSC Student Union te chuan Mara hnamlam  Sawlakia an entir a. Dr.Chawngkhuma Chawngthu, Associate Professor chuan Lawmthu sawina hun hmangin  programme hi a khar ta a ni.
Minister hi  Pu N.Zakhai, CEM MADC, Pu S.Hiato Ex-Minister leh MDCC President te bakah Head of Office thahnem takin an tawiawm a. Aizawl atangin R.Lallianzuala Joint Director, H&T Education Dept leh minister fanu 2 ten an lo tawiawm bawk a ni.

Attachment

  • Loading attachment...