Cheng nuai 168.78 senga sak Lunglei a Tourist Lodge New Building chu vawiin chawhnu dar 2:00 khan Tourism Minister Pu.S.Hiato in a hawng.

He inkhawn Tourism Deptt Director Pu.Vabeiha Hlychho khaihhruai ah hian Pu Hiato chuan thu sawiin, Lunglei hian nasa takin hma a sawn tih hi a pawn lama awm te hian kan rawn hmuh thin a ni tiin, Tourist Lodge New.Building thar lo awm ta chuan Lunglei in mikhual thlen chungchang a harsatna an tawh thin tam tak a sutkian ngei a beisei thu a sawi bawk. Minister chuan Mizoram ah hian kumin chhung ringawt pawhin foreign atangin khualzin sangkhat chuang an lo kal tawh bakah, India ram chhung hmun hrang hrang atangin mi sing 6 chuang an rawn kal tawh bawka, Multi Model Tarnsport Project a puitling hunah phei chuan Thailand, Cambodia, bakah khawchhak lam ram atangin khualzin tam tak ten Mizoram chhim lam kal tlang in an rawn tlawh thin dawna, chuvangin kan nunphung leh khawsak zia ah te kan ei leh in siam danah te mikhual te nuam tih zawng leh an mahni lo lawm thiam tura hmasawn kan tum a pawimawh a ni a ti bawk.

Vawiin a hawn tak Tourist Lodge New.Building hi kum 2008 atanga sak tan niin, cheng nuai 168 chuang senral a ni a, mikhual thlenna room 14 a awm a ni. He building hi Indian Tourism Development Corporation. New Delhi sum hmang a sak ani.