Vawiin zing dar 8:00 ah khan Pu S.Laldingliana, Parliamentary Secretary hovin tualchhung media hoten Circuit House Conference Hall, Lunglei-ah press conference pawimawh tak neih a ni. Thuthar lakhawmtute hmaah thu sawiin Pu Dinga chuan Lunglei District chhungah thlawhna tumhmun puitling awm turin tunhma atangin beih a ni tawh a, kan Chief Minister zahawm tak duhsaknain awm ngei tura hmalak zel a ni a ti. Saitluk Airport nei thei mai tura kan inbeisei laiin technically-a harsatna liantham tak a awm takah chuan tunah Thlisam ram en leh kan tum mek a ni a ti. Pu Zawma, Principal Consultant, Civil Aviation pawhin thu sawiin Lunglei District-ah thlawhna tumhmun neih anih theih ngei nana hma an lo lak tawh dan te sawiin Kawmzawl-ah te thlawhna te chi tum theih dan te pawh ruahmanna siam mek a nih thu a sawi. Pu Zidinga, SDO, PWD pawhin Saitluk rama hmun a chipchiar taka survey an neih dan leh a siam puitlin hautak dan te pawh report a pe bawk.

He press conference hi Pu Lalthangmawia Vandir, Dy.Director, I&PR-in kaihruaiin tualchhung chanchinbumi, cable operator, DDK Stringer leh AIR Correspondence-te nen an kal tha hle a ni.