Ni 20th July, 2013 chhun dar 12 khan Pu Lalsawta, Education Minister chuan Helen O’ Grady International English Speech & Drama Academy - Inaugural and Discovery Day Programme, Vanapa Hall - ah a hmanpui a. Pu Lalsawta chuan Beyond School Ventures Society-in hetiang programme zirlai naupangte tana an buatsaih hi lawmawm a tih thu leh Mizo thalaite changkanna tura kawng hrang hrang a tan lak a tul tawh thu a sawi.

Helen O’ Grady International English Speech and Drama Academy hi kum 1979 ah khan Australia-ah din tan a ni a. Khawvel ram 26 chuangah din ni tawhin, India ramah hian 2006 ah a lo lut a. Mizoram hi North East State bikah chuan a hmasa ber a ni. He Programme hi school hour piah lamah kalpui niin, he Programme-in a tum ber chu naupangte’n saptawng nal taka an thiamna tur leh an personality kawng hrang hrang a tih hmasawn hi a ni. He Programme hi Mizoram-a hman a nih hnu hian naupang engemaw zatin hlawkna an tel tawh a ni.