Vawiin chawhnu khan Lunglei DC Conference Hall-ah Lunglei South bialtu MLA leh Lunglei High Powered Committee Vice Chairman ni bawk Pu S. Laldingliana hovin NLUP hnuaia hmalakna leh hlawhtlinna hrang hrang tlangzarhna “Special Campaign for Highlighting Performance/Achievement of NLUP” sawihona meeting neih a ni a. Meeting hi Lunglei DC Pi Lalzarmawii’n a kaihruai a, Lungei District huamchhunga NLUP Line Departments hotute bakah BDO-te an tel a ni.  

Pu S. Laldingliana chuan NLUP tanpuina avangin chhungkaw tam tak an dingchhuak tawh a ni tiin beneficiary hlawhtling tak tak te tharchhuah leh thil siamte pholang tura ruahmanna siam ani chu a lawmawm takzet a ni, a ti a. Department hrang hrang officer kalkhawmte chu rinawm taka hnathawk zui zel tura fuihin Lunglei HPC Vice Chairman chuan kawng tinrenga thawh ho pui turin a in hawn thu a sawi bawk.

NLUP Special Campaign ah hian District tinah leh Block tinah NLUP beneficiary te tharchhuah pho lanna Fair cum Exhibition neih a ni dawn a, Lunglei-ah chuan December thla chawlhkar khatna ah neih ni se tih Committee – in a rel a. Special Campaign atan hian NLUP Line Department tin te chu Fair-cum-Exhibition neih tur atan lo inbuatsaih lawk tura hriattir an nih bakah photo exhibition atana thlalak buatsaih tura hriattir an ni bawk. Lunglei khawpui bakah Lungsen, Bunghmun leh Hnahthial RD Block-ah te Fair cum exhibition hi nei tura ruahmanna siam a ni bawk.