Vawiin chawhnu dar 1:00 khan Lunglei District Football Association leh Inter Department Co-ordination Committee buatsaihin Inter Department Football Tournament Final neih a ni. Pu S.Laldingliana, Vice Chairman, High Powered Committee chuan khuallian niin a hmanpui.

Inter Department Football Tournament Final inkhawm hi Pu Jimmy L Sailo, President LDFA in kaihruaiin Khuallian Pu S.Laldingliana chuan Inter Department Football Tournament buatsaihtu LDFA leh Inter Department Co-ordination committee in Department hrang hrang te inhmelhriatna leh thawhhona tha zawk a awm theih nan tournament buatsaih a nih avangin lawmawm a ti a. Sawrkar officer te hi hmasawnna hrang hrang ruahmantu an ni a, hmasawnna hi a tak a chhawrtute chu mipuite an ni a, department hrang hrang inpawhna leh thawhhona tha nen a mipui rawngbawl hna thawk theuh turin a chah a ni. He Tournament hian mipuite tan rah tha a chhuah a beisei thu a sawi bawk.  Pu S.Laldingliana hian Inter Department Football Tournament tanpui nan cheng sing thum a pe a ni.

Inter Department Football Tournament hi 20^th November 2017 atanga khelh tan niin Department hrang hrang 37 atangin Team 15 ten khel in Final hi 2^nd Bn MAP leh SSA Mission ten an khel a ni. Champion hian Trophy bakah cheng sing khat, Runner up in Trophy leh cheng sang nga an dawng bawk a ni.