Dam lo harsatna tawk leh hnuchham ten Chrismas hlim taka an hman theih nan High Powered Committee Lunglei Vice Chairman Pu S Laldingliana chuan nimin (21.12.2015) khan Lungleia Home hrang hrang leh Hospital ah te Chrismas thil pek a sem.

Thilpek a semna ah hian Pu S Laldingliana chuan amah ngei pawh natna avanga chrismas hmang mumal thei lova a awm hnuin damna tha nena christmas hun a thleng thei chu lawmawm a tih thu sawiin dam lo natna tuar leh hnuchham te hnena thilpek pe theia a awm chu lawmawm a tih thu a sawi.

Chrismas thilpek a sem te hi Christian Hospital serkawn, Lunglei Civil Hospital, Chhawmdawlna In Melte, Baptist Church Ophanage Serkawn, Rescue Centre kawmzawl leh TNT hrangchalkawn ah te niin Chrismas an hmanna tur sum fai engemawzat a hlan a, Pu Dinga hi Pu P Lalhmangaihzuala HPC Member bakah Lungleia chanchinthar lakhawmtu thenkhatten an tawiawm a ni.