1200/2023-2024

Aizawl the 20th July, 2023 : Pu Tawnluia, Deputy Chief Minister chuan vawiin khan Mizo Students’ Union (MSU) buatsaih Under Graduate Mizo Toppers lawmpuina 2023 Vanapa Hall a neih chu a hmanpui a. Pu T.J. Lalnuntluanga, Law & Judicial Minister chu khual zahawm a ni.

Pu Tawnluia chuan zirlai lokal khawmte chu Pathian leh kan ram leh hnam tan an thiamna te, theihna te chhuah zel turin a chah a. Kan ram hi nek chep a, rahbeh kan nih loh zel nan mitin hian mawhphurhna kan neih vek a ngai a, hnam hmangaihna rilru in tuh belh deuh deuh zel turin zirlaite chu a fuih. Thalaite chu kan hnam tan kan kutke la ni mai tur an nih thu sawiin Pu Tawnluia chuan Mizoram ziarang humhalh chung zelin rilru hmasawnna (progressive thinking) nei turin leh ram leh hman tana inpekna thuk zawk nei turin a fuih a ni.

Pu T.J. Lalnuntluanga chuan vawiina zirlaite chu hun lokal zel tura ram hruaitu tur te an nih thu sawiin midangte tan malsawmna nih tum tlat turin a chah a. Tunlai khawvelah social media hman uar a nih thu sawiin thalaite chu fimkhur taka hmang turin a fuih bawk.

Vawiin lawmpuina inkhawm hi Pu Laldinsanga, Vice President, MSU in a kaihruai a. Mizo Topper mi 26 hnenah lawmpuina hlan an ni a chungte chu :