Parliamentary Secretary Pu TT Zothansanga’n Khawzawl Group YMA Conference vawi 34-na chu vawiin khan Rabung Branch YMA Hall-ah a hmanpui.

Pu TT Zothansanga chuan Group YMA Conference hlawhtling taka buatsaih a ni chu lawmawm tiin a hlawhtlin nana sum leh tha tam tak sengtute inpekna a fak a. Thalai kalkhawmte fuihin taimakna leh thuawihna kawngah Mizo thalaite’n zirtur kan ngah hle a, eng hna pawh thawk sela taimakna leh teirei peihna an neih a tul a ni, a ti.

Khawzawl Group YMA Conference hi February ni 16 atanga ni 18 chhung neih a ni a. Central YMA Finance Secretary Pu Lalrochuanga pawhin a he hun hi hmanpuiin ram leh hnam humhalh kawngah thalaite nasa zawka tan la turin a fuih a ni. Central YMA aiawh hian CEC member Pu Darthansanga, Pu R.Lalduhawma, Pu Jefry L. Fanai leh Pu Rinsanga te pawh an tel a ni.