Co-ordination Committee on Traffic Management-in a lo rel tawh angin, March ni 1, 2016 atanga Aizawl khawpui chhunga Taxi service-te intlanchhawk dan tur chungchangah SP Traffic chuan Mizoram State Sorkar Notification No.B.12021/10/04-TRP Dt. 22.8.2008 leh Section 115 of MV Act, 1988 tlawhchhanin a hnuai ami ang hian hriattirna a tichhuak –

1. Aizawl khawpui chhunga Taxi-te chu Group thum (3) ah then a ni a. Taxi hmun thuma thena hmun khat (1/3) nitin an inchawlh chhawk ang.

2. Taxi chu Sticker A, B & C hmangin thliar hran a ni ang.

3. Taxi intlanchhawk Timing chu hetiang hi a ni: a. 08:30AM - 5:30PM Thlasik (November - February) b. 08:30AM - 6:30PM Nipui (March - October)

4. Taxi intlanchhawk hi Monday - Saturday, working days-ah hman tur a ni a, holiday tih hian Mizoram Sawrkarin chawlh/ holiday-a a lo puan tawhsa te leh Sunday a huam lovang, Saturday (lnrinni) bikah chuan intlanchhawk hian Chawhnu dar 1:00PM thleng chauh a huam ang.

5. Sticker hi

A - a sen,

B - a pawl,

C - a hringin siam a ni ang.

6. Taxi hnung lam leh hmalamah Sticker-te hi bel tur a ni a, a hmalamah chuan frame chunglam atanga inches ruk (6) leh veilam sir frame atanga inches ruk (6) ah tar tur a ni. Tin, a hnunglam darthlalangah chuan a lai takah tar tur a ni.

7. Stand-wise in Taxi-te hi Aizawl City Traffic Station/ Control Room-ah an in report tur a ni. Taxi hi stand-wise in Group thum (3) ah then tur a ni.

8. Stand neilo (Taxi stand welfare member ni velo) te chu Aizawl City Traffic Station/ Control Room-ah in report tur a ni a, in report te chu Group thum (3) ah then an ni ang.

9. Taxi intlanchhawk dan tur ruahmanna (Table) hi thlaruk zel atan siam a ni anga, chu chu Stand Welfare hruaituten OC/TI, Traffic Station hnen atangin an lam thin ang.

10. Taxi sticker hi mahni Taxi documents felfai tak kengin Aizawl City Traffic Station/Control Room-ah Driver emaw a neitu diktakin an lam tur a ni.

11. Taxi intlanchhawk a nih chhung hian Sticker-te hi document pawimawh tak a ni a, Taxi Sticker neilo/bel lo tan Aizawl khawpui chhungah Service/tlan phal a ni lo.

12. Taxi Sticker chhia chu a chhiat dan ang angin Aizawl City Traffic Station/ Control Room-ah kengin a thar in an thlak thei ang.

13. Taxi sticker hi ni 22.2.2016 atangin Aizawl City Traffic Station/Control Room-ah lam theih a ni ang. Sticker lam tur te chuan February thla chhung ngeiin lam vek tur a ni.

14. Sticker lem siam leh hmangtute, intlanchhawk dan bawhchhiate chu 179 MV Act hmangin hrem an ni ang.

He Order/Notification hi thu leh awm hma chu 1st March, 2016 atanga hman a ni ang.