Vawiin chhun dar 12 khan Pu Zodintluanga, UD & PA Minister, chuan Dr. Sudhir Krishna, Secretary, Ministry of Urban Development, Govt. of India chu Nirman Bhawan, New Delhi a a Office ah tlawhin Urban Development Ministry hnuaia Mizoram hmasawnna tura hmalakna hrang hrangte a sawi pui a. A bik takin JNNURM hnuaia khawpui chhung kawng chei thatna tur leh Aizawl traffic tawt lutuk tih ziaawmna atana Mizoram sawrkarin ruahmanna chi hrang hrang a neih, Comprehensive Traffic and Transportation Plan (CTTP) te, Vaivakawn – Mizoram University kawng siam that te, Mizoram University atanga Sihhmui pawh tura kawng thar sial te leh Aizawl Ring Road siamna tur te a sawi pui a. JNNURM Period hi tun Sawrkar kum kallai a tawp tawh tur a nih avangin heng ruahmanna te hi a rang thei ang bera pawma, sanction turin a ngen nghal a.
Dr. Sudhir Krishna chuan hmasawnna hna a thawh danah Mizoram sawrkar fakin, tih tak zet leh thahnemngai taka a thawka a hriat thu sawiin, hei hi lawmawm a tih thu a sawi a. Minister ngenna te hi a lo enzui nghal tur thu leh, a hlawhtlin theihna tura theihtawp a lo chhuah tur thu a sawi a. Minister leh Secretary te inkawmna bawhzui hian heng project te hi JNNURM atanga thawh tura thehluh nghal an ni:-
|
Sl.No |
Name of the Project (DPRs) |
Amount(in lakh) |
|
1. |
Widening & Improvement of Vaivakawn toMizoram University Road(10.50 Km) |
Rs. 1963.00 |
|
2. |
MizoramUniversityto Sihhmui as Spur ofAizawl City Ring Road (16.70 Km) |
Rs. 6390.00 |
|
3. |
Improvement & Widening ofAizawl City RoadPhase – I |
Rs. 4000.00 |
|
4. |
Improvement & Widening ofAizawl City RoadPhase – II |
Rs. 4000.00 |
|
5. |
Improvement & Widening ofAizawl City RoadPhase – III |
Rs. 4000.00 |
Pu Zodintluanga hi Pu S. Laldingliana, Parliamentary Secretary, UD & PA, Pu R.L. Rinawma, IRS, Principal Secretary, UD & PA leh official dangten an tawiawm a ni.
Attachment
- Loading attachment...
