Green Mizoram Day denchhen in tukin zing khan 26 Assam Rifles chuan an hmunpui thar tur Zohkawsang-ah thingphun beihpui ‘Go Green Campaign’ an thlak a, Sports Minister Pu Zodintluanga’n a hmanpui.

Pu Zodintluanga chuan thusawiin Assam Rifles in ramngaw siam leh thingphun an uar chu lawmawm a ti a, thingphun hi kumtluan a kalpui a uar turin a Assam Rifles te hi a chah a. Thing tiak phun hi thil hote niin lang mahse thing tiak pakhat phun pawh hian ramngaw siam kawngah leh tunlai khawvel a global warming vanga sik leh sak inthlak danglam nasa tak mai ven kawngah rah tha a chhuah thin a ni a ti bawk.

Pu Zodintluanga; Brig. S P Rawat, Commander 23 Sector Assam Rifles; Col. Gaurav Chaturvedi Commandant 26 Assam Rifles leh MHIP aiawhin Pi Thachhungi Sailo ten thing tiak phunin ‘Go Green Campaign hi an hawng a. He hunah hian chanchinbu mi thahnem tak leh MZP aiawh te pawh an tel a ni. Vawiin hian Assam Rifles te hian Zokhawsang-ah thing tiak 2000 vel phun an tum a ni.