Vawiin khan Sports & Youth Services Minister Pu Zodintluanga’n Tuikual South Branch YMA Silver Jubilee lawmna programme Tuikual South-a an buatsaih chu khuallian niin a hmanpui.

Pu Zodintluanga chuan jubilee hawnna leh lawmpuina thu sawiin, Tuikual South hi tun hma hun rei tak kalta te chhut let chuan veng chhuanawm tak a ni lo thin a, mahse tunah chuan veng chhuanawm leh nuam, hmasawnna kawng hrang hrang hmuh tur a lo awm ta hi a lawmawm ka ti a. Inkalpawhna kawng pawh mimal ram neitute inpekna avang leh theihtawp a Local council leh YMA te tha leh zung tam tak seng a ruahman a lo ni ta te hi a lawmawm hle a ni a ti.

YMA in sual dona kawngah leh mirethei leh tanpui ngaite tanpuina kawnga hma a lo lak tawhna ah lawmthu a sawi a, hei hi chhawm nung zel turin YMA member leh veng chhung mipuite a chah bawk.

Jubilee lawmna hi Pu Lalruatkima MLA, Councillor Laldinsangi leh Central YMA hruaitu leh veng hrang hrang a Branch hruaituten an hmanpui a ni.