Vawiin chawhma dar 11:00am khan Pu Zoengsanga, DEO leh District Bawrhsap chuan a office chamber-ah Siaha District chhunga FREE &FAIR Election kan nei theih nan Political party hrang hrang hruaitute a kawm.

Bawrhsap Pu Zoengsanga chuan District dang te entawn tlaka Inthlanna muanawm leh felfai kan nei theih nan Election buaipuitu official te leh political Party te kan tan ho a ngai a. Election Commission of India in Free & Fair election a awm thei nan dan leh dun felfai tak a duan hi  zawm tlang i la, Official in kan tihtur tha takin kan ti ang a. Political Party tin te pawhin Kristian rilru dik tak puin, Isua nen tihin  kan hma lawka MLA inthlanna lo awm tur hi i hma chhawn ang u.
Siaha  District hi district dang te entawn tlak nih turin  kan hmazawn theuh va kan mawhphurhna hi  hlen i tum theuh ang u, tiin Party hruaitu kawlkhawm te  chu a sawm a ni.

Vawiin DEO in party hruaitute a kawmnaah hian Election laia  Political party ten an tihtur leh tihloh tur(Do's leh Don't's)  te inhrilhriatin, Party hruaitute zawhna hrang hrang pawh Concern Nodal officer ten chhangin, huangzau tak leh inpawh takin discussion nei a ni