Vawiin hian Public Health Engineering Department, Serchhip Watsan Division chuan Public Health Awareness Day 2017 chu New Serchhip YMA Hall-ah an hmang. 

Khuallian Pu C. Lalhminghlua, President MJA, Serchhip District chuan thu sawiin PHE Department chu mipuite hriselna atan mawhphurtu an nih an inhriat chian lehzual a duh thu a sawi a, an enkawl mipuiten damdawiin an luh lohna atan mawhphurna sang tak an nei ani a ti. Tui nei lote hnena tui pek chauh hi an hna tur nilovin mipui hriselna venghimtu an nihna chu vawng nung zel turin a chah a. A lang a mawia hna thawh mai hi a tawk lova, a tak taka hnathawktu ni turin PHE Deparment thawktute chu a chah bawk. 

He hun kaihruaitu Er. F. Lalsanglura, Executive Engineer chuan mipui rawngbawltu kan ni tih hre reng ila, mipui nawlpui hriselna hi kan mawhphurhna a ni a ti a. Tunlaia kan inelna lian ber chu thianghlimna a ni a, chumi kawngah chuan nasa leh zual zawka hma lak mek zel nih thu a sawi bawk. 

He hunah hian Pu Ronghaka, SDO Tlungvel hnen atangin thingtlanga tui pek anih dan leh mipuite nena indawr dan chungchang ngaihthlak niin, Er. K. Lalrintluanga, SDO(S) hnen atangin tui pumpna khawl leh an hmanraw dangte enkawl dan chungchang ngaihthlak a ni bawk a ni.