84/2025-2026
Dated the 8th April, 2025 : Bio-Medical Waste Management Rules 2016-in a phût angin hêng Damdâwi in leh damdâwi lam kaihhnawih bawlhhlawh chi hrang hrang, mihring leh ran taksa bung hrang hrang, lapua/plaster/bandage/puan thisen kai, syringe, zun ip, thisen chaw khaina hmanrua, inzaina blade, glass lam chi zawng zawngte hi a bîka sâwngbâwlna tura siam Bio-Medical Waste Treatment Facility hmunah chauh paih tawh tur a ni.
Hêng khâwl leh hmunhmâte hi Mizoramin kan neih loh reng avângin hâl ral leh thûk taka phûm thin kha a ni a, tûnah erawh chuan Mizoram sawrkârin Aizawl Smart City Ltd. kal tlangin hetiang lam bawlhhlawh leh a kaihhnawih sâwngbâwlna tur bîk ‘Bio-Medical Waste Treatment Facility’ Tuirialah dinin kum 2025 April thlâ atanga hman tan turin a peih fel tawh a, chuvâng chuan damdâwi in leh damdâwi kaihhnawih bawlhhlawhte chu he hmunah chauh hian paih tawh tur a ni a, a paihna tur hmun ni loa paihte chu na taka hrem theih an ni.
Damdâwi in leh damdâwi kaihhnawih bawlhlawh nei chi hêng hmun hrang hrang - sawrkâr leh mimal damdâwi in, Nursing Home, Clinics & Dispensaries, Blood Banks, Veterinary Institutions & Animal Houses, Pathological Laboratories, Ayush Hospitals, Clinical Establishments Research Labs, Research/ Educational Institutions, Health Camps, Vaccination Camps, Blood Donation Camp, etc. - Aizawl, Sihphir, Aibawk leh Saitual huam chhûnga awmte chuan BMW Rules, 2016-in a phût angin Mizoram PCB hnên atangin Authorisation neih ngei tur a ni. A hnuaia link leh QR code hmang hian a rang thei ang berin ‘Registration’ tih vek tur a ni tih kan inhriattir e. Zawh duh nei tân mizorampcbbmw@gmail.com-ah hian zawh fiah theih reng a ni.
Link: forms.gle/snSS7xHqTHauRiYY7
Issued by : Mizoram Pollution Control Board, Aizawl
