83/2025-2026

Saitual, the 8th April, 2025: Vawiin chawhma khan DC conference room, Saitualah, MGNREGA hnuaia District Convergence Committee (DCC) chu an chairman, District bawrhsap ni bawk Dr. Lalngura Tlau kaihhruainain an thu khawm.

He hunah hian DCC chairman Dr. Lalngura Tlau chuan thu sawiin department hrang hrang te chu mahni line theuhah an kal hrang thin tih a sawi a, inthlunzawm (convergence) chu district hmasawn nan a pawimawh hle a ni, a ti. Dr. Lalngura Tlau chuan District Convergence Committee din chu a bul tanna a ni tih sawiin, department hnuaia sawrkar scheme hrang hrang te chu mipuiten hmasawn nana hmanga an lo tangkaipui ngei theih nan line department te chu inthlunzawm a, inpuitawn turin a sawm nghal a ni.

He hunah hian line department hrang hrang hnuaia sawrkar laipui scheme awm te enho niin, heng scheme hnuaia an hnathawh tura ruahman (proposed activity) te sawiho nghal a ni a. District mipuiten hma an sawn a, hlawkna an tel ngei theih nan MGNREGA chu heng scheme pawimawh tak tak te nen thlunzawm a, hna thawhho chu committee chuan a rel a ni.

Vawiin thutkhawmah hian Dr. Lalngura Tlau, Chairman, DCC & DC, Pu V. Laldinsanga, Secretary, DCC & Project Director bakah line department-a DCC member te an tel a ni.