Vawiin khan Art & Culture Department leh MCO. Hqrs Lunglei tangkawp chuan Pukpui khelmual ah Folk Song leh Dance Festival an  buatsaih. Pu R. Hmingtanzuala, Director, Art & Culture Dept.chu khuallian niin a hmanpui.

Folk Song leh Dance Festival hawnna inkhawm hi Pu R. Lalsangvunga, President, MCO Hqrs. Lunglei in kaihruaiin khuallian Pu R. Hmingthanzuala chuan Pukpui ah Folk Song leh Dance Festival hman theih anih avangin lawmthu a sawia. Pukpui khua hi ringtu hmasa leh Mizo Culture humhimna a hmalatu hmasa pawl ani ati.Ram hi Lalpa ta ani a, Mizo culture leh christianna hi a inzawm tlat a, tlawmngaihna, huaisenna, taimakna leh dikna te pawh hi christianna nena inzawmtlat ani ati. Kan hnam nunphung hi kalsan lovin vawngnung zel turin achah a, kan hnam lam leh zai hian khawvel hriat a hlawh a, chuvangin Mizo hnamziarang hi zahpui lovin vawngnunga uar sauh sauh turin a duh ani. Thangthar te hian Mizo hnam lam thiam theuh turin leh Mizo nunzemawi tlawmngaihna, huaisenna, taimakna leh dikna te hi vawngnunga chhawm zel turin a  chah bawk ani.

Folk Song leh Dance Festival ah hian zaithiam tak tak an zai bakah MCO branch 9 atangin hnam lam hrang hrang entirin Mizoram Gurkha Youth Association ten special item neiin Lungsen MCO branch ten chawnglaizawn an entir bawk.