Thawhehni chawhma dar 11 atang khan Joint YMA Hall, Thenzawl-ah Art & Culture Department chuan Archives & Museum Exhibition cum Book Sale programme an hmang tan a, he programme hian May ni 2, 2019 Ningani thleng a awh ang. He Exhibition ah hian Mizoram State Museum-in Museum a thil dah that chi hrang hrang 100 bawr vel pholan a ni a, Mizoram State Archive ten Mizoram tana Record hlui leh pawimawh tak tak pholang in, Tribal Resarch lnstitute ten Mizoram leh hnam tan a Lehkhabu hlu tak tak te an zuar bawk a ni.

Exhibition cum Booksale hawnna inkhawm ah Pu C. Laltlankima, Senior Research Officer, Tribal Research Institute chuan “Mizote hian keimahni thil hlute kan ngaihsan a, kan roh a, kan enkawl that hian kan hnam rohlu kan siam a, hnam kan chawikang thin a ni,” a ti. Thenzawl khaw chhunga NGO hrang hrangte, School hrang hrangte leh mipuiten Exhibition hi an chhim.