763/2023-2024

Aizawl, the 12th June 2023: Vawiin khan Raj Bhavan-ah Governor Dr Hari Babu Kambhampati chuan Chief Engineer Pu SP. Kolipey, Project Pushpak leh a thawhpui te a kawm a. Project Pushpak in hna an thawh mek te sawipuiin an hnathawh thenkhatah chawimawi phu nia a hriat angin nan Certificate of Appreciation a hlan.

Governor chuan Mizoram hmun kilkhawr zawka hnathawk an nih angin an mawhphurhna chu a pawimawh zual hle a, tha taka an hna khawih mek te pawh thawk chhun zawma, a hun taka thawh zawh tum zel turin a chah nghal a. Governor chuan Project Pushpak hotute chu Media mite pawh kawm tlang nel tur leh an hnathawh chungchangah kumtin, vawi khat emaw tal chu sawihona neih pui thin turin a chah a. Mizoram-ah Central sawrkarin hmasawnna ruhrel a siam te mipuiin chiang zawka an hriat a tul thu a sawi bawk.

Chief Engineer  hi Col. Abhishek Goel, Col. Munish Bhagi leh Jt. Dir. Chalhming Thanga ten an tawiawm a ni.