Vawiin chhun khan Lunglei High Powered Committee Vice Chairman Pu S. Laldingliana kaihhruainain a pisaah PWD, Lunglei Circle hotute leh Lunglei khawchhunga VCP ten inhmuhkhawmna an nei a. Khawchhung kalkawng thawm that chungchunga thawh hona tha zawk neih theih dan tur te an sawiho.

Pu S. Laldingliana chuan sawrkarin harsa takin kawng min siam sak a, dim nachang hrelo in, a chhiat hnu ah a tichhetute bawk in kan sawisel leh thin hi a pawi in, neitu rilru pu tura kan inzirtir thar a tul a ni, a ti a. PWD leh VC te inkara thawh hona tha a awm chu lawmawm tiin, department te hmalakna thlawp thiam tur leh thurawn te in pe tawn thin turin a chah a ni.

Er. C. Lalchhuana, SE, PWD, Lunglei Circle pawhin tui kan mawawh rualin a awm lohna tur hmuna a awm chuan a hnawk hle a, chuvang chuan mipuite tui chhia kawngpuia paih lo tur leh hna thawk lo tura kan in hriattir nawn leh a ngai, a ti a. Kawng siamna tur bungrua apiang te chu laboratory a test hmasak thin an nih thu a sawi a. Kumin chhunga Lunglei Division atan hnathawhna tur sum a tlem avangin, kawng tha an neih theih nan VCP te NREGS katlangin thawh ho puiah a sawm nghal a ni.

VC hrang hrang aiawha lokal ten PWD nena an thawh ho na chu tha an ti tlang a. Road protection squad chungchang te sawiin, kalkawnga insak hna thawh ching te hrem tura dan leh thupek ken kawh dan awm se an tih thu an sawi bawk.