2255/2026-2027

Dated Aizawl, 17th September 2026: Tuesday tlai dar 5-a Zohnuai to Ropaiabawk lawng, Vaivakawna tlahniam chu nimin atang khan Public Works Department chuan siamthat hna an thawk tan.

He hmun hi Minister of State leh Aizawl West-II bialtu MLA ni bawk Pu Lalnghinglova Hmar hovin PWD hotute leh AMC bialtu Executive Corporator nen en ho tawh a ni a, nimin khan Zonal Officer, Zone VII hovin SP (Traffic) Geology & Mining, PHED leh PWD lam hotute leh Chairman, Local Level Disaster Management Committee, Vaivakawn te'n an endik bawk a ni.

He kawng hi PWD Aizawl Road North Sub-Division III hnuaiah a awm a, tun chinah hian tui haw dangtu speedbreaker an siam a, drain tifaiin tui put dan nan cement concrete an phah a, luikawrah pipe vuahin culvert-ah tui an paih thla bawk a ni. He dinhmun hi fimkhur takin Geology & Mining nen tangkawpin lei a chet leh chet loh thlir reng a ni a, tui lut zel tur control a nih hunah temporary restoration (kawng hnawh, lungrem) tih chhunzawm a ni ang. Zirchianna leh endikna azirin hma lak dan tur ngaihtuah chhunzawm zel a ni ang.