1821/2025-2026

Dated Aizawl, 9th October 2025: Vawiin khan Public Works Department Minister Pu Vanlalhlana chuan, kan hma October 21-23, 2025-a YMA Khawmpui Lian, Sakawrdai khuaa neih tur atana inbuatsaih nan, N. Vervek, Mauchar, Tuirial, Saipum, Saiphai, Vairengte, Serkhan inkar kawng NH-306A dinhmun a enfiah.

NH 306A hi Mizoram hmar lam, Kolasib leh Mamit district mipuite tan Sakawrdai pan theihna tur kawng niin, Kutcha road (la metal loh) a ni a, Mipuite nuam zawk leh him zawka helai kawnga an tlan theihna turin PWD chuan thawmthat hna an thawk mek a; khua a that a, ruah a sur nasat loh chuan lirtheite pawh tha taka an tlan theih tur thu leh chutiang tur chuan chak taka hma lak a nih thu PWD Minister chuan a sawi a; Motor tangpalh a awm a nih pawha vil turin JCB pathum dah a nih tur thu a sawi bawk.

Vawiina NH-306A a tlawh pah hian Minister chuan Tuirial Hydro Power Station a tlawh nghal a, NEEPCO hotuten lo dawngsawngin power thar chhuah dan report ngaihthlak a ni a; Tuirial Hydro Power Station atang hian 60 MW thar chhuah niin hemi atanga 12% chu free of cost niin a bak 88% chu Mizoram sawrkain a lei thin thu leh tun dinhmunah leiba liantham eng mah a awm loh thu an sawi a ni.

Minister hi PWD hotute - Er. H. Zoramliana, Engineer-in-Chief, PWD; Er. C. Lalthlamuani, Chief Engineer (Planning); Er. Robin Lalrinawma, Chief Engineer (Highways); Ar. Lalchhandami, Chief Architect; Er. Eddie C. Zothansanga, Superintending Engineer, NH Circle-I, PWD ten an tawiawm a ni.