2462/2024-2025 

AIZAWL; the 10th October, 2024: Vawiin chhun dar 12:00 Noon khan PWD Minister Pu Vanlalhlana chuan a office chamber-ah Mizoram PWD hotute : Er. Lalrinkima Hnamte, E-in-C, Er. H.Zoramliana, Chief Engineer leh Pu Virender Jakhar, National Highway & Infrastructural Development Corporation Limited (NHIDCL) Regional Office; Aizawl Executive Director te meeting a neihpui. Meeting-ah hian Lok Sabha MP, Pu Richard Vanlalhmngaiha leh Lunglei West bialtu MLA, Pu T.Lalhlimpuia te pawh an tel a ni.

Pu Vanlalhlana chuan fur lain Mizoram mipui ten kawng chhiat avangin  harsatna ka tawh thin a, a bik takin kan  chakkhai lakna kawng  ber Aizawl-Silchar kawng chhiat avanga harsatna tunhnaia kan tawh te pawh, a hretu te vek in ni. He kan harsatna sukiang tur hian tha thlah lova, theitawp inchhuah chhunzawm zel ka duh a, chumi tan chuan a tulna piangah MPWD leh NHIDCL te pawh inrawn tawnin, inpuitawn thin turin ka ngen che u a ni, a ti.

Meeting-ah hian Pu Vivendra Jokhar chuan NHIDCL in Mizoram chhunga an hnathawh tawh chin leh an hmabak te report pein, Aizawl -Tuipang (Tipa) kawng phei chu 90% an thawhzawh tawh thu sawiin, kan la thawhlohna hmun tlem te awm pawh, NHIDCL kutah ram hlan a nih lovang a ni a. Kumin June thla atang khan ram te pawh NHIDCL kutah a awm vek tawh a, kan hmabak te pawh kan thawh chhunzawm leh theih tawh ang, a ti. Aizawl-Silchar Road-ah pawh ngawrh taka hnathawh mek zel a ni a, nakum March thla ral hmain re-surfacing pawh  zawh hman kan tum a ni, a ti.

Pu T. Lalhlimpuia Lunglei West bialtu pawhin Lunglei-Tlabung road dinhmun te report pein, Executive Director,NHIDCL hnenah arang lama hnathawh tur hmabak la awm te chu thawk vat turin a ngen bawk a ni.