1900/2023-2024
Dated Serchhip, the 15th September, 2023: Pu MS Dawngkima, MPS, Superintendent of Police, Serchhip District chuan, Mizoram UPC General PYD inkhawmpui ni 22.09.2023 atanga ni 24.09.2023 chhunga Leisekawt field, P&E veng, Serchhipa neih a nih dawn avangin, mipui him zawk nan leh lirthei tlan dan a felfai zawk nan; MV Act 1988 (Act of 1988) Section 115 na leh Govt. of Mizoram Notification No B.12021/10/2004- TRP dt 01.06.2020- in thuneihna a pek angin a hnuaia mi ang hian lirthei tlan dan tur thupek a chhuah.
He thupek hi dt.22.09.2023 (zirtawpni) tlai dar 05:00 PM atanga dt. 24.09.2023 (Pathianni) zan dar 11:00 PM inkar chhung hman tur a ni ang.
AOC-IOC via P&E kawng chu “One Way” a ni a, AOC lam atang chauha tlan luh phal a ni.
Mini Park, P&E venga Pu V. Lalrammawia In leh Pu Romandinga In inkar kawng hi “No Parking” ah puan a ni a, Lirthei eng chi mah park phal a ni lo.
Inkhawm tur Quarry road lam atanga kalte chu Soil pengah rawn chhoin Mini park-ah an in drop ang a, IOC lam panin an tlan let leh ang Soil peng leh Mini park inkar bik hi chu a tawn tawna tlan theih a ni.
DRDO Office,Serchhip opposite atanga Leisangkawi kawngah hian Lirthei kethum nei (3 wheeler) leh ke hnih nei (2 wheeler) te tan chhuk zawng chauhin tlan phal a ni. Lirthei ke li (4 wheeler) leh a aia lian tan tlan phal a ni lo.
P&E veng, Serchhip chhunga Kohhran hrang hrang inkhawm tura Lirtheia kalten Hmar lam atanga lane hnuai kawng zawhin lane hnuai atanga Bethel Kohhran Biak in kawt kawngpui pawh turin YMA Hall kawt kawngah tlan chhoh theih a ni ang.
Lane hnuai, quarry road, Soil peng leh Mini park atanga P&E veng main road pawhtu kawng zawng zawngah hian chho zawng chauhin lirthei tlan phal a ni.
He thupek hian rikrum thil leh emergency duty dang avanga phalna la te a huam loving.
