No.7429/2020-2021

Mizoram sawrkar thuchhuak No.D.33011/39/2020-HFW (SOP)/Pt.III dated 28.01.2021 kaltlangin Mizoram pawn atanga rawn lut/hawte screen, test leh quarantine dan kalphung tihdanglam a ni a. Pu Zothanmawia, Deputy Commissioner, Khawzawl District chuan Khawzawl District-ah pawh he order chhuah atanga thu leh awm hma chu a hnuaia mi ang hian Quarantine kalphung tihdanglam anih thu a chhuah:

1. India ram hmundang atanga Mizoram-a lo lut, RT-PCR/CB-NAT/TrueNat hmanga Covid-19 Negative certificate darkar 96 aia hlui lo neite chu Quarantine an ngai lo ang a. Negative Certificate hi an awmna khua/veng VLTF kaltlangin emaw bialtu Zonal Officer hnenah a soft copy/thlalak thehluh zel tur a ni.

2. Point no. 1 a tarlan RT-PCR/CB-NAT/TrueNat test negative certificate nei lo, Point of Entry-a RAgT hmanga endik a negative-te chu enkawl zui leh quarantine zui an ngai lo anga, fimkhur takin ni 7 (sarih) chhung chu mahni hriselna inchik (self-monitoring) an ti ngei ngei tur a ni ang. Tin, Negative Certificate hi an awmna khua/veng VLTF kaltlangin emaw bialtu Zonal Officer hnenah a soft copy/thlalak thehluh zel tur a ni.

3. Mizoram atanga India ram hmundanga zin chhuak, lo haw leh te pawh point no. 1 leh 2 ang hian quarantine kalpui a ni ang.

4. India ram pawn, Covid-19 variant strain tamna atanga lo hawte chu Point of Entry-a RAgT an paltlang hnuah sawrkar Quarantine Facility-ah dah an ni anga, an lo thlen ni atanga ni 7 naah RT-PCR/TrueNat test an ni ang. Home Quarantine phalsak an ni lo ang.

5. Covid-19 positive ni lo emaw, Containment Zone/Area atanga lo kal ni lo, Mizoram chhung District dang emaw khaw dang emaw atanga lokal an nih vang ngawtin tumah lo quarantine tur a ni lo.

A chunga tarlanin a huam loh, Mizoram pawn atanga rawn lutte chu Quarantine kalphung pangngaia khunghran chhunzawm tur a ni.