663/2023-2024

Aizawl, the 2nd June 2023: Governor Dr Hari Babu Kambhampati chuan vawiin khan Durbar Hall, Raj Bhavan-ah Telangana State Day denchhenin program a buatsaih a. Hei hi a vawikhatna a ni a, he hun hi Ministry of Home Affairs in state tina Raj Bhavan te chu State Day apiangin, an awmna state day ni lo pawh, India ram inpumkhatna hmanrua atan, lawmna program huaihawt thin tura hriattirna a rawn pek avanga hman a ni.

June 2, 2014 khan khan Telangana chu Andhra Pradesh atangin State puitling ni turin a indang tan a ni.

Governor chuan State dang te din champha kan lawmpuina hun hi an state a chengte khawsak phung leh nundan kan hmelhriatna remchang a ni a ti a. MHA in ruahmanna a siam angin he hmalakna hi kalpui a ni a, India ram inpumkhatna atan thil pawimawh tak pakhat a ni a ti. Governor chuan khawi state a cheng pawh ni ila, kan awmna hmun, kan hnathawhna hmun leh kan eizawnna hmuna mi ten en inrem taka awm kan zir a ngai a, India ram ropui zual zel nan leh inpumkhatna atana thawk tu nih kan tum zel bawk tur a ni a ti.

Telangana State Day puala program hi Durbar Hall, Raj Bhavan-ah Telangana state mi leh sa Mizorama awm te leh sawm bik te nen hman a ni a. He hunah hian Governor in thuhmahruai neiin Telangana state mipuite chibai bukin duhsakna a hlan a.  State pakhat in state dangte din champha kan lawm tan a, Telangana State Day lawm hnuah state dang te dincham pawh lawm chhoh zel tura ruahmanna a awm thu a sawi. Governor thusawi zawhah hian Telangana lo pianchhuah dan, a chhunga chengte khawsakdan phung leh an state hmasawnna te thlirho  a ni a. He mi hnuah inhmelhriatirna leh  inkawmhona hun neih a ni.